نگین‌تل و تراختورون ایقتیصادی ایش بیرلیگی سؤزلشمه‌سی

«نگین ارتباطات آوا شیرکتی» ایله «تراختور کولوبو» آراسینداکی سؤزلشمه(قرارداد)، چاهارشنبه آخشامی ۲۰ اوردیبهشت ۱۳۹۶ نگین ارتباطات آوا شیرکتی‌نین عامل مودورو و تراختور کولوبونون عامل مودورو مصطفی آجورلو حوضورو ایله ایمضالاندی. بو سؤزلشمه‌یه گؤره آذرتل اعتباری سیم‌کارتلاری‌نین ایلک تحویل وئریلمه‌سی گله‌جک آیلاردا باشلاناجاق. آجورلونون فیکرینجه فوتبالین گلیر(پول) قازانماسیندا وکولوبلارین موستقیل‌لیگینده بویوک بیر اینقلاب یاراداجاق.
سؤزلشمه‌یه دایاناراق تراختور کولوبو آذرتل‌ین ساتیشدان الده ائدیلن بوتون گلیرلرینده(عواید) پایی واردیر. بو اورتاقلیق گئچیجی یا دا اسپانسورلوق دئیل، بلکه آذرتل برندینده‌کی تراختور اورتاقلیغی هر ایکی طرفین ده اوزون مدتلی منفعتلری‌نی گارانتی ائده‌جکدیر.

آیریجا بو، ایران‌دا بیر ورزشی کولوبون طرفدارلارینا خاص بیر سیم‌کارت تقدیم ائتمه‌سی بیر ایلکدیر و نتیه‌کیم(طبیعتا) اؤلکه‌ده‌کی بوتون تراختور طرفدارلارینا یاخین زامانلاردا خاص موبایل خیدمتلری‌نین عرضه ائدیلمه‌سی اؤن گؤرولموشدور(پیش بینی اولموشدور).
تراختور تاخیمی‌نی حیمایت ائتمک و اونون طرفدارلاری آراسیندا دایانیشمایی(همبستگی) گوجلندیرمک اوچون ایمضالانان بو سؤزلشمه ۱۶ مورداد ۱۳۹۶ تاریخینده تراختور کولوبونون یونتیجی‌لری(مودورلری) ایله نگین تل یونتیم قورولونون(هییت مدیره) حوضورو ایله آچیقلاندی.