آذرتل اپلیکیشنی موشترک‌لرین، آسانجا اونون خیدمت‌لری و محصول‌لارینی الده ائتمه‌لری اوچون طراحی اولونموشدور. حال حاضئردا آذرتل اپلیکیشنی یانلیزاندروید سیستم عاملی اوزرینده ایجرا اولونور و یاخین گلجکده İOS و ویندوز نسخه‌لری ده یایینلاناجاقدیر.
آذرتل اپلیکیشنی‌نین دانلود لینکی
آذرتل اپلیکیشنی‌نی یوخاریداکی لینکدن قورواشدیریب(نصب) موبایل‌ینیزدا ایجرا ائتدیکدن سونرا فعال ائتمه کدونو آلماق اوچون تئلفون شماره‌نیزی گیرینیز. فعال ائتمه کدونو گیردیدکدن سونرا اپلیکیشنه داخیل اولوب بیر آنا(اصلی) و آلت(فرعی) منو ایله قارشیلاشاجاقسینیز. آلت منویو اَلده ائتمک اوچون گؤستریم(نمایش) صفحه‌نیزین یوخاری‌سینداکی اوچ کیچیک یاتای چیزگی‌یی(افقی خطی) سئچمه‌نیز یئترلی‌دیر.
آنا منو:
سیم‌کارت ساتین‌آلما
آذرتل سیم‌کارت‌لاری تک اولدوزلو، ایکی اولدوزلو، اوچ اولدوزلو سیم‌کارت‌لار اولاراق فرقلی باشلانقیج(آغازین) بسته‌لرله سیزه گوستریله‌جکدیر. بسته‌لردن بیرینی سئچدیکدن سونرا ایسته‌دیگینیز شماره‌نی سئچیب سیم‌کارت ساتین‌آلما مرحله‌لری‌نی تکمیل ائدینیز. ساتین‌آلینان سیم‌کارت پست واسیطه‌سی ایله پول‌سوز اولاراق سیزه گوندریله‌جکدیر.
شارژ ساتین‌آلما
شارژ ساتین‌آلما سئچه‌نگی‌نی(گزینه) سئچیب ایسته‌دیگینیز آذرتل شماره‌سینی گیره‌رک شارژلاردان بیرینی سئچین و ساتین‌آلینیز.
بسته ساتین‌آلما
بو بولومده سیز آذرتل بسته‌لرینی مشاهده ائد‌یب ساتین‌آلابیلرسینیز. زامانا دایالی سئچه‌نک‌لرین بیرینی(ایل، آی، هفته، گون) سئچیه‌رک بسته آختارماسی آسان اولاجاقدیر. بسته‌لردن بیرینی سئچدیکدن سونرا ایسته‌دیگینیز آذرتل شماره‌سینی گیرین و اؤده‌مه(پرداخت) عملیاتی‌نی تکمیل ائدین.
نماینده‌لر
بو بولومده سیز، آذرتل ساتیش نمایندلیک‌لرینی دقیق آدرس‌لری‌یله نقشه اوزرینده گوره‌بیلرسینیز. ایسته‌نیلن نماینده‌نی کیلیک‌له‌دیگینیزده پروفایلی، تلفن شماره‌سی و نماینده‌لیگه چاتان مسیر گوستریله‌جکدیر.
قاپساملی(پوشش‌لی) بؤلگه‌لر
بو بولومده ۴G+،۴G،۳G،۲G ایله پوشش‌لی بؤلگه‌لری نقشه اوزرینده کونترول ائده‌بیلرسینیز. سئرویس‌ین قاپسما(پوشش) محدوده‌سی‌ینی گورونتوله‌مک اوچون رنگ‌لی اولاراق نقشه اوزرینده گؤستریلمیشدیر.
آلت(فرعی) منو
آذرتل‌ین آلت منوسوندا یوخاریداکی‌ماده‌لره اَک(علاوه) اولاراق اَن سوُن خبرلرین گؤستریمی(نمایش)، یاردیم‌لا(پشتیبانی) مرتبط بیلگی‌لر، قالان اعتیبارین گؤستریمی و دیلی دگیشتیرمه ایمکانی موجوددور. آیریجا سیز«قولانیجی(کاربری) آدی» اوزرینه کیلیکله‌مک‌له بوتون بیلگی‌لرینیزی گوره‌بیلرسینیز.